البقاء للأقوى" VS "القوّة بالبقاء

الاعتناء بحقوق الموظف مكسب وليست خسارة 

في ظل مناخنا الاقتصادي اليوم ومن بعد أزمة كوفيد-19، تعلمت الشركات الصغيرة والمتوسطة درس بالطريقة الصعبة.. كيف بتقدر تنافس الشركات الكبيرة بجميع مميزاتها في الحفاظ على الموظفين؟ 
الراتب مو كل شيء، فيه مزايا ثانية تقدر تعطيها لموظفينك حسب احتياجاتهم بتغنيك عن الخسائر، استقالة الموظف الآن خسارة كبيرة بالنسبة لك، وبنقول لك ليش. 

فقدان الموظف يسبب انخفاض لمعنويات الموظفين، وبالتالي تتأثر معدلات إنتاجيتهم بشكل كبير، هذا غير إن عملية التوظيف المستمرة بسبب خسارة الموظفين مكلفة جدًا لأنها تشمل مساحة من الأخطاء اللي ممكن يرتكبها الموظف الجديد وأثرها على تجربة العملاء وتكلفة تدريبه وساعات العمل اللي يقضيها في التدريب وقلة الإنتاجية خلال هذي الساعات، غير فقدانك لأحد الأساسيات في منظمتك وهي "المعرفة المؤسسية" وهي ببساطة الناس اللي يعرفون "وش السالفة" من جد وعندهم خبرة بأمور العمل داخل الشركة وكيف تمشي.

 "طيّب" ليش الموظف يستقيل؟ الأسباب كثيرة وتقدر تبحث عنها وبتلاقي استراتيجيات كثيرة للحفاظ على الموظفين تذكر الأساسيات المادية والنفسية اللي يحتاجها الموظف عشان يستمر لكن أفضل شخص ممكن تعرف منه هم موظفينك! 
تذكر إن دور قسم الموارد البشرية في شركتك ما يقتصر على التوظيف وحساب الرواتب وساعات العمل، افهم احتياجات موظفينك ووفر لهم بيئة العمل اللي تخليهم ينتجون باستمرار، طيّب؟