كلنا نتفق بأن حساباتنا على وسائل التواصل الاجتماعي تعتمد على التفاعل والتواجد سواءً الحسابات الشخصية أو
المهنية، ركزّ على التفاعل والتواجد .. طيّب؟
لازم تكون في وسائل التواصل الاجتماعي مرة تعطي ومرة تاخذ عشان يكون حسابك ناجح، ما يصلح تكون على وتيرة
وحدة منهم .. عارفين الحين السؤال اللي يدور في بالك، كيف تعطي؟ وكيف تاخذ؟ وإيش نقصد بهالكلام؟ .. كمّل
وبتحصل الإجابة.
تعال يالطيّب نشوف وش نقصد .. لما يكون حسابك على أحد وسائل التواصل الاجتماعي دائمًا متفاعل فيه بالنشر سواءً
تغريدات أو منشورات باستمرار وجميعها معلومات توعوية، وتثقيفية، وإخبارية، وحتى تسويقية وإعلانية، وأنت تبحث
عن ردة فعل من متابعينك إما بإعادة تغريد أو إعجاب أو تعليق أو زيادة في عدد المتابعين، وللأسف ما تحصّلهم أو
تحصلهم لكن بشكل نادر جدًا، وتقول الجملة الشهيرة: أنا متواجد بس ما فيه تفاعل! . أنت في هذي الحالة تعتبر م عي
بس، كيف تصير تاخذ ردة فعل من متابعينك؟ بمعنى يتفاعلون معك.
هاك الخلطة .. أنشر تغريدات أو منشورات تفاعليه بشكل مستمر وبنفس الوقت منتظم عشان ما يكون حسابك مُمل،
تفاعل مع اللي يكتبون في التعليقات، أنشر المشاركات اللي توصلك على رسائل الخاص مثل تصوير أو رأي. فشارك
متابعينك آراءهم وناقشهم وجاوبهم، وما ننسى المسابقات وأثرها في زيادة التفاعل.
وبكذا صار حسابك مُتزن تاخذ منهم تفاعل وتعطيهم محتوى، وعشان تستمر في هذا الاتزان راجع جميع نتائج حساباتك
وقيسها وحللها بين فترة وفترة عشان ما ترجع من الأول ويصير شيء يطغى على شيء .. طيّب الحين؟